Náttúra og saga í Nesi við Seltjörn - verkefnasafn og greinargerð

Greinargerð þessi og verkefnasafn er lokaverkefni til B.Ed.- prófs frá menntavísindasviði Háskóla Íslands. Í verkefnasafninu eru þrettán verkefni sem tengjast á einn eða annan hátt Urtagarðinum í Nesi á Seltjarnarnesi og/eða Lækningaminjasafni Íslands sem starfrækt er í Nesstofu á sama stað. Sagt er frá tilurð og skipulagi Urtagarðsins sem opnaður var á safnasvæðinu í Nesi sumarið 2010. Í greinagerðinni er fjallað um kennslufræðilegan bakgrunn verkefnanna, þar á meðal grenndarnám og safnanám. Sú kennslufræði sem verkefnasafnið byggir að mestu leyti á eru kenningar Vygotskys og Deweys sem báðir fjölluðu um nám og þroska barna. Áhersla er lögð á mikilvægi reynslunnar og upplifunar í námi en einnig er fjallað um lykilhugtak í kenningum Vygotskys; svæði mögulegrar þróunar (e. zone of proximal development). Að lokum er verkefnasafnið kynnt og gert grein fyrir markmiðum verkefnanna