Reynsla fólks af hjartaáfalli um og innan við fimmtugt: Önnur hjartaáfallseinkenni og aðrir áhættuþættir

Hjartasjúkdómar er ein aðal dánarorsök í heiminum. Markmið þessarar rannsóknar, sem er hluti af stærra rannsóknarverkefni, er að efla þekkingu og dýpka skilning á þeirri reynslu að fá hjartaáfall í kringum fimmtugt, og að hvaða leyti einkenni hjartaáfallsins eru frábrugðin hjá þeim sem eru í kringum fimmtugt, miðað við þau sem eldri eru. Notuð var fyrirbærafræðileg aðferð, og tekin voru eintaklingsviðtöl við 11 þátttakendur, þar af 3 konur. Meðalaldur þátttakenda var 48 ár. Hjá tæplega helmingi þátttakenda var hjartaáfallið vangreint sem einhver annar sjúkdómur vegna ungs aldurs þeirra, og var tæplega helmingur þátttakenda sendir heim eftir skoðun hjá lækni án þess að fara í ítarlegri skoðun með tilliti til kransæðaþrengsla eða hjartaáfalls. Samt lýstu þátttakendur einkennum hjartaáfalls, ef skoðuð eru ódæmigerð einkenni hjartaáfalls, sem eru mæði, þreyta, slappleiki, kviðverkir, brjóstsviði og veikindatilfinning. Þreyta og slappleiki voru einkenni sem flestir þátttakendur upplifðu við hjartaáfallið, fæstir fengu verk í brjóstið sem leiðir út í vinstri handlegg. Streita tengdist hjartaáfalli hjá öllum þátttakendum. Heilbrigðisstarfsfólk virðist hafa tilhneigingu til að einblína á hin klassísku einkenni hjartaáfalls þegar sjúklingur kemur með hjartaáfall á bráðadeildir, og horfir framhjá öðrum einkennum sem benda til hjartaáfalls. Mikilvægt er að fagfólk og almenningur viti um hin margvíslegu einkenni hjartaáfalls, einkum hin ódæmigerðu einkenni hjartaáfalls hjá þeim sem yngri eru