Málfræðitileinkun og námsefnisgerð. Hvernig má nýta sér sögu og þróun máltileinkunarkenninga í námsefnisgerð?

Þessi ritgerð er lokaverkefni til BA-prófs í íslensku sem öðru máli við Hugvísindasvið Háskóla Íslands. Tilgangur hennar er að gefa yfirsýn yfir kenningar í málfræðitileinkun í tímans rás til að notfæra sér við námsefnissmíð. Rannsóknarspurning þessarar ritgerðar felst í því hvaða aðferðir og kenningar á tileinkun málfræði er hægt að færa sér í nyt til að semja málfræðibók sem byggir á þörf málnemanna í tungumálatileinkuninni. Í fyrri hluta ritgerðarinnar verður fjallað um námsefnisgerð, hlutverk málfræðinnar í kennslufræði og annarsmálsfræði hlutverk málfræði og málfræðitileinkun í tímans rás. Áherslan er lögð á kenningar ýmissa stefna og viðhorf þeirra til málfræði í tungumálatileinkun frá miðöldum og hingað til. Ennfremur verður litið á talskiptamiðaða tungumálakennslu og aðferðir hennar til að ýta undir talskiptahæfni. Leitast er við að draga ályktanir út frá þessu sögulega yfirliti sem gagnast í ritsmíð málfræðibókar. Í seinni hluta verður fjallað um hvernig megi notfæra sér þær ályktanir sem dregnar eru í fyrri hluta ritgerðarinnar við gerð málfræðibókarinnar Isländische Grammatik Schritt für Schritt - Ein Begleitbuch für Deutschsprachige sem er einkum ætluð þýskumælandi íslenskunemum. Útskýrð verða uppbygging og eðli bókarinnar með því að sýna brot úr henni og að vísað er til kenninga og ályktana sem hafa komið fram í fyrri hluta ritgerðarinnar. Í lokaorðum verða mikilvægustu atriði dregin saman. Þar að auki verður horft til framtíðar með tilliti til næstu skrefa í ritsmíð ofangreindrar bókar og gerð fleiri námsbókar