Fjárfestingar í nýsköpun. Umfang þeirra á Íslandi

Fjárfestingar í nýsköpun hafa verið mikið í umræðunni að undanförnu og svo virðist sem stjórnvöld séu að átta sig á mikilvægi þess að eyða fjármunum í nýsköpun. Því ein besta leiðin til þess að tryggja hagvöxt til lengra tíma litið er í gegnum fjárfestingar í nýsköpun, rannsóknar- og þróunarstarfsemi. Þess vegna er mikilvægt að stjórnvöld ríkja beiti sér fyrir því að skapa umhverfi þar sem nýsköpun fær að skína og með því auka líkurnar á hagvexti til framtíðar. Markmiðið með þessari ritgerð er að skoða fjárfestingar í nýsköpun og umfang þeirrar starfsemi á Íslandi. Í framhaldi verður því velt upp hvort íslenskir aðilar séu nægilega virkir á þessu sviði. Síðan verður það skoða hvað það er sem vel er gert á Íslandi og hvað mætti gera betur. Til þess að bera umfangið af fjárfestingum í nýsköpun á Íslandi saman við önnur lönd verða skoðuð gögn frá alþjóðastofnunum. Gögnin segja bæði til um það hversu mikið stjórnvöld hvers ríkis leggja til rannsóknar- og þróunarstarfsemi og hversu stór hluti af þjóðarframleiðslu fer til rannsóknar- og þróunarstarfsemi. Helstu niðurstöður sýna að á Íslandi hafa verið stigin þó nokkur skref til þess að efla fjárfestingu í nýsköpun en við eigum hins vegar ennþá mjög langt í land til þess að ná þeim markmiðum sem við höfum sett okkur. Því er mikilvægt að íslensk stjórnvöld auki fjármagn til nýsköpunar á næstu árum ásamt því að auðvelda einkaðilum að fjárfesta í nýjum og spennandi nýsköpunarfyrirtækjum