F

Fyrir hvað stendur þetta ‘F’? Spurningin er mér hugleikin. Í ævisögu Erró, sem kom út sama ár og ég fæddist, er talað um það: ,,Þegar ég missti effið“. Kannski vitum við nú hvað hefur um það f orðið? En stafurinn gæti líka vísað í fjaðrir, flóamarkað eða framúrstefnu … Stundum dreymir mig um að fara framúr og ég trúi því að ég sé farinn framúr – en það er einmitt það sem kemur í veg fyrir að ég raunverulega fari framúr. Þegar Erró glataði effinu sínu var hann greinilega á mikilli hraðferð. Hann hefði mátt staldra aðeins við því að í einum litlum bókstaf leynist margt. Merkingin vindur upp á sig og fyrr en varir erum við stödd í ritgerð sem spannar ‘óravítt svið mannlegrar tilvistar; meira en 2.000 ára mannkynssögu, pólitíkur, trúar, heimspeki, málverka, skúlptúra, tækni, vísinda, fjölmiðla, bíómynda, dægurlaga o.s.frv.