Fjölþjóðleg samskipti á yngsta- og miðstigi grunnskólans

Þróun upplýsingatækninnar hefur leitt af sér breytingar í kennsluháttum um allan heim. Með aðstoð hennar eru kennurum færar leiðir til samstarfs sem áður þekktust ekki. Fjölþjóðleg samskipta- og samvinnuverkefni hafa með tilkomu t.d. Evrópsku mennta-áætlunarinnar litið dagsins ljós í grunnskólum á Íslandi þar sem fleiri og fleiri íslenskir nemendur kynnast erlendu samstarfi í námi sínu. Í ritgerðinni er fjallað um hvernig þessi verkefni eru til komin og hvernig þau eru unnin. Þær breytingar sem hafa orðið á aðbúnaði skóla og áherslur sem Aðalnámskrá grunnskóla leggur varðandi erlent samstarf eru skoðaðar. Í síðasta kafla eru tvær hugmyndir að fjölþjóðlegum verkefnum þar sem kennurum er bent á leiðir til að útfæra þær í kennslu. Ýmsar skýrslur, vefsíður og doktorsritgerð hafa verið notaðar til að afla upplýsinga um fjölþjóðleg verkefni, framkvæmd þeirra, ásamt kostum og göllum. Helstu niðurstöður benda til þess að vinna við slík verkefni gefi góða raun fyrir nemendur, kennara og skóla. Atriði sem þarf að hafa í huga ef samstarfsverkefni eiga að vera vel heppnuð eru meðal annars skipulagning verkefnis ásamt markmiðssetningu og tengingu við skólanámskrá hvers skóla