Tvígreining: skilgreining, úrræði og aðkoma félagsráðgjafa

Viðfangsefni þessarar BA ritgerðar er tvígreining og einblínt verður á sjúkdómana áfengis- og vímuefnavanda og geðröskun. Fjallað verður um tvígreiningu og hvað felst í þeirri merkingu, hvaða úrræði eru til staðar og aðkoma félagsráðgjafa. Tvígreining á sér skyld hugtök eins og tvíþættur vandi, fjölþættur vandi og samsláttur en öll eiga þau sameiginlegt að snúa að einstaklingum sem eru að glíma við fleiri en einn sjúkdóm. Einblínt er á þá hegðun sem getur gefið til kynna að börn og ungmenni eigi eftir að glíma við frekari vanda í framtíðinni eins og geðröskun og áfengis- og vímuefnavanda og einnig þá áhættu- og verndandi þætti sem við koma áfengis- og vímuefnavanda og geðröskun. Fjallað er um þau stuðningsúrræði sem eru til staðar fyrir börn og ungmenni hér á landi og um mikilvægi snemmtækrar íhlutunar og forvarna og einnig er fjallað um úrræði sem eru árangursrík gegn tvígreiningu. Niðurstöður ritgerðarinnar gefa til kynna að það eru ákveðnir þættir sem þurfa að vera til staðar svo að meðferð við tvígreiningu skili sem bestum árangri. Meðal annars samþætt meðferðarform, þar sem báðir sjúkdómarnir eru meðhöndlaðir á sama tíma og innan sömu stofnunar. Niðurstöður gefa einnig til kynna að það sé mikil þörf á betrumbættri þjónustu fyrir börn og ungmenni sem eru að glíma við geðröskun og áfengis- og vímuefnavanda hér á landi. Mikil þörf er fyrir fjölbreyttari einstaklingsmiðuð úrræði sem byggjast á gagnreyndum meðferðum og langtíma meðferðum með eftirfylgni