Félagsráðgjöf og reynslunám

Þessi ritgerð er lokaverkefni til B.A prófs í félagsráðgjöf við félagsvísindadeild Háskóla Íslands. Markmið ritgerðarinnar er að kynna reynslunám og sýna fram á hvernig hægt er að nýta reynslunám í félagsráðgjöf. Til að ná þessum markmiðum verður fjallað um þróun félagsráðgjafar sem fræðigreinar. Kynntar verða helstu kenningar og starfsaðferðir félagsráðgjafar. Fjallað verður sérstaklega um reynslunám og sýnt fram á hvernig hægt er að vinna með reynslunám í starfi félagsráðgjafa. Félagsráðgjafar koma að fjölbreyttum verkefnum og því er nauðsynlegt að hafa fjölbreyttar aðferðir. Með því að nota aðferðir reynslunáms þjálfast félagsráðgjafi í því að læra af reynslunni og taka tillit til mismunandi upplifana skjólstæðinga sinna. Félagsráðgjöf byggir á heildarsýn og hjálp til sjálfshjálpar meðan reynslunám hvetur til ígrundunar á eigin reynslu með það að markmiði að auka þekkingu og skilning á eigin hegðun. Það er hægt að finna mikinn samhljóm í helstu kenningum og aðferðum félagsráðgjafar og reynslunáms