Heilsuefling þroskahamlaðra Íhlutun og aðgerðaráætlun með notkun Preceed Proceed líkansins

Þegar unnið er að heilsueflingu þarf að hafa í huga að heilsa er ekki aðeins að vera laus við sjúkdóma og örorku heldur er heilsa líkamleg, andleg og félagsleg vellíðan. Þroskahamlaðir einstaklingar eru í meiri hættu á að búa við heilsubrest samanborið við aðra hópa í samfélaginu. Mikilvægt er að minna stöðugt á mikilvægi hreyfingar og næringu fyrir heilsu þroskahamlaðra einstaklinga. Í þessu verkefni var fjallað um heilsueflingu þroskahamlaðra einstaklinga sem búa í búsetu með þjónustu. Notast var við heilsueflingar líkanið Precede-Proceed til þess að búa til íhlutun og aðgerðaráætlun. Helstu niðurstöður voru þær að algengt er að þroskahamlaðir einstaklingar geri sér grein fyrir því að hollt sé að stunda reglubundna hreyfingu en þau viti ekki hver ávinningur hreyfingarinnar er á líkama og sál. Það sama á við um næringu. Viðmælendur hafa oft á tíðum nokkra þekkingu á hollu og óhollu en gera sér ekki fyllilega grein fyrir hvað skal kaupa inn þegar í verslun er komið. Þó nokkuð er af skipulagðri íþróttastarfsemi í boði hjá íþróttafélögum fatlaðra en ekki mikið í boði af almennri heilsurækt eins og á líkamsræktarstöðvum