Upplýsingaskylda og ráðgjöf fjármálafyrirtækja í verðbréfaviðskiptum: Sönnun tjóns og orsakatengsla þegar upplýsingaskyldu eða ráðgjöf er ábótavant

Verðbréfaviðskipti eru áhættusöm. Fjármálafyrirtæki þurfa að sinna lögbundinni upplýsingaskyldu og ráðgjöf þegar um samninga er að ræða sem falla undir lög nr. 108/2007 um verðbréfaviðskipti. Séu þessi atriði ekki uppfyllt getur fjármálafyrirtæki bakað sér skaðabótaábyrgð. Markmið þessarar ritgerðar er að skoða hvernig tjón og orsakatengsl teljast sönnuð og aðeins í málum þar sem deilt er um upplýsingaskyldu eða ráðgjöf fjármálafyrirtækis. Skoðað er hvernig sönnunarfærsla fer fram, hvaða sönnunargögn eru lögð fyrir dómara og hvernig sönnunarbyrðin liggur í slíkum málum. Þá er stuttlega fjallað um sérstöðu réttarsambands fjármálafyrirtækis og viðskiptavinar, gildissvið laga um verðbréfaviðskipti og helstu ákvæði sem gilda um upplýsingaskyldu og ráðgjöf þeirri sem lögbundin er