Grunnskólinn og seinfærir foreldrar : með velferð barnsins að leiðarljósi

Verkefnið fjallar um samstarf og stuðning við seinfæra foreldra barna í grunnskóla. Markmið þessa verkefnis er að afla þekkingar og skilnings á því hvernig samstarfi og stuðningi er háttað við seinfæra foreldra í grunnskóla og verður leitast við að svara rannsóknarspurningunni, Hvernig er samstarfi og stuðningi háttað við seinfæra foreldra í grunnskóla? Rannsóknin var unnin með eigindlegri aðferð og gagnaöflun var unnin í formi opinna viðtala. Þátttakendur voru þrír fagmenn og þrír seinfærir foreldrar sem eiga börn í einum af grunnskóla landsins. Niðurstöður leiddu í ljós að ekki er starfað eftir fyrirfram ákveðnum ramma heldur er lögð áhersla á að meta hvert tilfelli fyrir sig með tilliti til barnanna, sem ávallt eru höfð að leiðarljósi