Trúarofbeldi. Skaðleg trú: einkenni, orsakir og afleiðingar

Í þessari ritgerð er leitast við að varpa ljósi á merkingu hugtaksins trúarofbeldi. Gerð er grein fyrir rannsóknum félagsfræðinga, sálfræðinga, guðfræðinga og siðfræðinga á misnotkun valds sem stundum á sér stað í trúarlegu starfi. Dregin eru fram helstu sameiginlegu einkenni þeirra kristnu safnaða þar sem fyrrverandi meðlimir telja sig hafa verið beitta trúarofbeldi. Ýmsir áhrifaþættir trúarofbeldis eru ræddir svo sem guðfræði sem beitt er til að styrkja óskorað vald leiðtoga og siðblinda í forystu kirkjunar. Loks er fjallað um siðfræði sem leiðarljós í starfi presta og leiðtoga þar sem áhersla er lögð á mikilvægi skilnings, ábyrgðar og trúmennsku gagnvart því valdi sem þeim hefur verið treyst fyrir – valdi sem þeim ber að nota í þágu skjólstæðinga þeirra en ekki í eigingjörnum tilgangi gegn þeim