Fylgni á milli líkamshreysti og hreyfifærni þriggja til fjögurra ára barna

Tilgangur: Tilgangur þessarar rannsóknar var að skoða hversu mikil fylgni var á milli hreyfifærni og líkamshreysti þriggja til fjögurra ára barna. Aðferð: Framkvæmd var lýsandi þversniðsrannsókn. Þátttakendur voru allir iðkendur í krílafimleikum fimleikadeildar Ármanns og voru þeir 31 talsins þar af 19 stelpur og 12 strákar. Þátttakendur framkvæmdu fjögur hreyfifærnipróf: Kubba turn, kubba á spjald (með hægri og vinstri hendi), áttuhlaup og sláargöngu (Aðlöguð útgáfa af hæl í tá göngu). Einnig framkvæmdu þátttakendur þrjú líkamshreystipróf: 20 m spretthlaup, langstökk án atrennu og 1 kg boltakast. Forritið SPSS var notað til að vinna úr gögnum og töflur voru unnar í Ecxel. Niðurstöður: Niðurstöður rannsóknarinnar sýndu að lítil fylgni er á milli hreyfifærni og líkamshreysti þriggja til fjögurra ára barna. Þróun þeirra er ekki komin langt á veg og því enn óstöðugleiki í hreyfingum þeirra. Ályktanir: Kenningar sem settar hafa verið fram um að til þess að einstaklingur nái ákveðinni færni þá þarf hann að þjálfa hana sérstaklega. Niðurstöður þessarar rannsóknar styðja við þessar kenningar. Í framhaldi af þessum niðurstöðum væri æskilegt að gera rannsókn með stærra úrtaki