Stuðningur við einstæða foreldra barna með einhverfu

Meginviðfangsefni þessa verkefnis er að varpa ljósi á stuðning við einstæða foreldra barna með einhverfu. Fjallað er um þann stuðning og þjónustu sem foreldrar barna með fötlun og alvarleg veikindi eiga rétt á. Markmið ritgerðarinnar er að leitast eftir að svara eftirfarandi spurningum: Hvernig stuðning fá foreldrar barna með einhverfu? Er þörf á frekari stuðningi við einstæða foreldra barna með einhverfu? Til að svara þessum rannsóknarspurningum er stuðst við fræðilegar heimildir, lög og reglugerðir, kenningar og rannsóknir. Helstu niðurstöður sýna að töluvert álag er á einstæðum foreldrum og oft finna þau fyrir mikilli streitu tengdri greiningu barns síns. Þegar foreldrar fá þær fregnir að barn þeirra er með einhverfu gætu þeir upplifað áfall og sorg. Munur er þó á upplifun móður og föðurs. Það fer eftir ýmsu hvernig stuðning foreldrar þurfa á að halda og þarf að meta hvert tilfelli fyrir sig. Í verkefninu kemur í ljós hversu mikilvægur upplýsingalegur, fjárhagslegur, félagslegur og andlegur stuðningur er. Eftirfylgni um hvernig stuðning foreldrar fá er talinn mjög mikilvægur þar sem staða þeirra getur breyst og þarf því að endurmeta hana reglulega. Aðkoma félagsráðgjafa og annara fagaðila skiptir miklu máli til þess foreldrar fái viðeigandi stuðning, bæði hvað varðar ráðgjöf og aðstoð við uppeldið