Hvaða áhrif hefur það á líðan barna að vera þátttakendur á neytendamarkaði?

Samfélagið sem við lifum í hefur talsverð áhrif á sjálfsmynd okkar og hvernig við metum eigin verðleika. Samfélagið hefur breyst mikið undanfarna áratugi og neysluþátttaka almennings hefur aukist mikið. Börn verða í sífellt ríkari mæli þátttakendur í neyslusamfélaginu og þessi ritgerð fjallar um þátttöku þeirra sem neytendur. Í ritgerðinni er spurt hvort neysla hafi áhrif á líðan barna og til að svara þeirri spurningu eru notaðar niðurstöður þeirra rannsókna sem framkvæmdar hafa verið. Um er að ræða fræðilegt yfirlit þannig að ekki er framkvæmd sérstök rannsókn heldur eru skoðaðar niðurstöður rannsókna og staða þekkingar á sviðinu greind. Aðeins ein heildstæð rannsókn hefur verið gerð hérlendis sem tekur mið af upplifun barnanna sjálfra en nokkuð margar rannsóknir hafa verið gerðar erlendis. Niðurstöðurnar eru afdráttarlausar. Börn sem eru virkir þátttakendur á neytendamarkaði eru líklegri til þess að búa við andlega vanheilsu en þau sem eru minna virk á þeim markaði. Ljóst er að börn sem taka þátt í kauphyggjunni sýna sterkari tilhneigingu til að glíma við þunglyndi, sýna meiri kvíða, hafa lægra sjálfsmat og glíma frekar við sálvefræn einkenni en þau börn sem taka ekki þátt. Lykilhugtök: Millialdur, neysla, líðan og félagsráðgjö