Tekjur stærstu knattspyrnuliða í Evrópu. Þróun síðasta áratug.

Þegar knattspyrna er í umræðunni virðist fátt komast að þessa daganna annað en umræðan um gríðarlega háar fjárhæðir. Laun leikmanna virðast hækka með hverjum mánuðinum og kaupverð á leikmönnum virðist engin takmörk hafa. Í grunninn er þetta ennþá sú fallega íþrótt sem allskonar fólk víða um heim hefur elskað í gegnum árin þar sem tvo lið mætast á grasfleti og reyna að koma knettinum í mark andstæðinganna. En með tilkomu knattspyrnusambanda urðu til knattspyrnudeildir og liðum fjölgaði. Með því fylgdi samkeppni á milli liða, þjóða og deilda og með samkeppninni fylgdu að sjálfsögðu peningar. Markmið þessarar ritgerðar er að komast að því hvaðan stærstu knattspyrnulið í Evrópu fá tekjur sínar og hvort einhverjar breytingar hafa átt sér stað í þeirri tekjuöflun síðustu 10 ár. Farið verður yfir tekjur nokkurra af stærstu knattspyrnuliða Evrópu síðustu 10 ár ásamt því að farið verður yfir hvernig þessar tekjur eru flokkaðar og hvað hefur áhrif á þær. Sömuleiðis verður reynt að draga ályktun um hvort frekar tekjuvöxtur sé í kortunum í náinni framtíð hjá þessum knattspyrnuliðum. Lagt verður áherslu á tekjur 3 liða en þau eru Manchester United frá Englandi, Real Madrid frá Spáni og Bayern Munich frá Þýskalandi en önnur lið verða skoðuð þeim til hliðsjónar. Niðurstöður ritgerðarinnar gefa ekki skýra spá um hvað mun gerast á næstu árum í tekjumyndun þessara félaga en þó má áætla að frekari tekjuvöxtur sé á döfinni hjá þeim í náinni framtíð. Stækkandi hlutur markaðstekna af heildartekjum og áhersla á frekari vöxt í þeim tekjuflokki er talinn ýta undir líkur á að sú spá gangi eftir