Hvenær er verkefni orðið að verkefni eða söluverkefni? : ekki daglegur rekstur og dagleg þjónusta við viðskiptavin?

Rannsóknin sem hér er til umfjöllunar fjallar um það hversu vel íslensk fyrirtæki eru í stakk búin til að flétta saman sölustjórnun og verkefnastjórnun. Gögn, rannsóknir og upplýsingar varðandi það hvernig fyrirtæki flétta þessu saman eru takmarkaðar. Framkvæmd var eigindleg rannsókn þar sem tekin voru viðtöl við tvo verkefnastjóra og þrjá sölustjóra hjá framkvæmdafyrirtækjum og söludrifnum fyrirtækjum. Út frá svörum viðmælenda má greina að menn gera sér ljóst að vinna þessara aðila er nátengd og bæði störfin eru fyrirtækjunum nauðsynleg. Framkvæmdafyrirtækin hafa þróað mjög góðar aðferðir við verkefnastjórnun á framkvæmdaverkefnunum, en eru að vinna að nánari tengingu við sölu á verkefnunum. Í því skyni eru þau að þróa starf sölutengds verkefnastjóra. Söludrifnu fyrirtækin eiga erfiðara með að skilgreina sölu sína sem verkefni en hafa áhuga á að setja það í formlegt ferli. Þriðja söludrifna fyrirtækið er erlent. Það hefur þróað með sér samstarf sölu- og verkefnastjórnunar sem áhugavert væri að skoða frekar