Áhrif umhverfis á nám og leik

Í þessu verki verður fjallað um áhrif umhverfis á nám og leik barna í leikskóla. Fjallað verður um sýn á börn og hvernig hlutverki leikskólans er háttað, þegar kemur að því að skapa umhverfi við hæfi barnanna, hvernig sýn á börn hefur breyst og hvernig starfshættir hafa þróast. Einnig er fjallað um leik og nám barna á leikskóla og hvernig börn læra og hvaða þættir eru mikilvægir til þess að nám fari fram. Þá er einnig hugað að því hvernig best sé að haga því umhverfi sem börn lifa og hrærast í daglega svo að nám og leikur sé sem uppbyggilegast og þroskavænlegast. Rannsóknarspurningin sem lögð var til grundvallar er: Á hvern hátt getur umhverfið í leikskólanum ýtt undir frumkvæði og virkni barna? Fjallað verður um hvernig umhverfið getur stutt við þessa þætti í leikskólanum og stuðlað að frumkvæði og virkni hjá börnum. Einnig var rætt við börn um umhverfi þeirra og hugleiðingar þeirra birtar í lokin