Birtingarmyndir kvenna í fjölmiðlum. Eru konur þaggaður hópur?

Konur eru aðeins um þriðjungur þeirra sem birtast í fjölmiðlum auk þess sem birtingarmynd þeirra er á annan veg en karla. Í þessari ritgerð er fjallað um konur í fjölmiðlum út frá mannfræði fjölmiðla og feminískum kenningum um staðalímyndir, kynjahlutverk og jafnrétti kynjanna. Hlutverk fjölmiðla er reifað sem og það vald sem þeir hafa. Leitast er við að greina efnið út frá kenningum mannfræðingsins Edwin Ardener um þöggun kvenna og kenningum fræðikonunnar Cheris Kramaer um þaggaða hópinn (e. muted group theory) sem hún þróaði út frá kenningum Ardener. Konur virðast vera þaggaður hópur innan fjölmiðlanna og eru sjaldnar fengnar sem viðmælendur eða álitsgjafar en karlar. Raddir kvenna fá þannig ekki jafnan hljómgrunn og raddir karla og önnur mynd er dregin upp af þeim