Í gegnum súrt og sætt : fræðslumolar fyrir börn og unglinga með þroskahömlun um nánd, ást og sambönd

Greinargerð þessi fjallar um nánd, ást og sambönd og hvað helst einkennir þau. Tekið verður þó sérstaklega mið af börnum og unglingum með þroskahömlun. Verkefnið er tvíþætt og kemur með bæklingi með fræðsluefni á einföldu máli sérstaklega ætluðum börnum og unglingum með þroskahömlun. Greinargerðin styður þannig við innihald bæklingsins. Rannsóknir hafa sýnt að börn og unglingar með þroskahömlun eru útsettari fyrir kynferðislegri misnotkun heldur en ófatlaðir jafnaldrar þeirra og þess vegna er afar mikilvægt að þau njóti fræðslu um kynlíf og viti sín mörk og annarra. Einnig hafa nýlegar rannsóknir sýnt að vegna skorts á fræðslu má leiða líkur að því að þekking fatlaðs fólks á nánum samböndum einkennist af reynsluleysi og feimni. Ennfremur hafa erlendar rannsóknir sýnt fram á að fatlað fólk fái lítil sem engin tækifæri til að ræða sambönd og kynlíf en það er mikilvægur partur af jafnrétti, ásamt því að vera nauðsynlegur hluti af að verða fullorðinn. Tilgangur verkefnisins er að veita börnum og unglingum með þroskahömlun fræðslu um nánd, ást og sambönd þar sem farið verður náið út í mörk, virðingu og samþykki. Auk þess verður komið stuttlega inn á kynlíf. Þar sem það hafa verið gerðar svo fáar rannsóknir um þetta efni og vegna þess hversu mikið fræðsluefnið sem nú þegar er til snýst nánast eingöngu um kynfræðslu er æskilegt að bæta við þá fræðslu er lítur að nánd, ást og samböndum