Sjálfsmynd barna : hvernig foreldrar og kennarar geta eflt sjálfsmynd barna

Margt bendir til þess að þunglyndi og kvíði sé að aukast hjá ungu fólki og þess vegna er mikilvægt að sem flestir hugi að andlegri líðan barna. Ritgerð þessi fjallar um hvernig hægt er að efla sjálfsmynd barna á heimilum og í skólum þar sem lögð verður áhersla á börn á aldrinum 9-12 ára. Um er að ræða hefðbundna rannsóknarritgerð þar sem heimildum var aflað til að svara ritgerðarspurningu. Mikilvægt er að foreldrar og kennarar séu meðvitaðir um hvað þeir geti gert til að styrkja sjálfsmynd barna. Niðurstöður benda til þess að leiðandi uppeldishættir, góð samskipti, tengsl, hreyfing, tómstundir og samvinna milli heimilis og skóla hafi mikið að segja varðandi styrkingu sjálfsmyndar. Niðurstöðurnar eru mikilvægar til að auka meðvitund fólks sem á í samskiptum við börn um hversu mikið forvarnargildi góð framkoma við aðra, þá sérstaklega börn, getur haft