Ímynd Reykjanesbæjar

Verkefnið er lokað til 9.6.2015.Tilgangur ritgerðar þessarar er að kanna ytri ímynd Reykjanesbæjar eða ímynd sveitarfélagsins í hugum íbúa utan Reykjanesbæjar og hvort viðhorf fólks sé ólíkt eftir því hvort það búi á höfuðborgarsvæðinu eða á landsbyggðinni. Farið er í gegnum það hversu mikilvægt ímyndar- og markaðsstarf er fyrir sveitarfélög almennt. Helstu niðurstöður voru þær að ímynd fólks búsett utan Reykjanesbæjar er ekki góð gagnvart Reykjanesbæ. Neikvæðir þættir voru áberandi en þó má segja að ímynd bæjarins sé nokkuð fjölbreytt. Búseta þátttakenda virtist ekki hafa áhrif á viðhorf þeirra til sveitarfélagsins og ekki skipti máli í niðurstöðum hvort þátttakendur höfðu komið til Reykjanesbæjar eða ekki. Margir jákvæðir þættir komu fram í niðurstöðum rannsóknarinnar fyrir Reykjanesbæ sem hægt er að nýta í ímyndar- og markaðsvinnu sveitarfélagsins í framtíðinni. Höfundur telur að sveitarfélög þurfi almennt að vera meðvituð um ímynd sína til að geta nýtt að fullu sérstöðu og styrkleika sína því mikil tækifæri eru til staðar. Það er mat höfundar að rannsókn sem þessi geti orðið til þess að hægt sé að vinna í að bæta stöðu sveitarfélagsins því það er mikilvægt að hlusta á viðhorf aðkomufólks til að geta séð hina réttu ytri ímynd sveitarfélagsins. Lykilorð: Ímynd, sveitarfélag, viðhorf, markaðssetning, Reykjanesbæ