Harmur hinna þúsund hæða. Um heimkomu og umkomuleysi flóttamanna frá Búrúndí

Á undanförnum árum hefur liðlega hálf milljón flóttamanna frá Afríkuríkinu Búrúndí snúið aftur heim úr flóttamannabúðum í nágrannalöndunum, einkum Tanzaníu. Þetta fólk hefur margt verið í útlegð um áratuga skeið, stór hópur allt frá 1972. Þegar stjórnvöld í Tanzaníu ákváðu í árslok 2007 að nú gætu þau ekki meira og að gestirnir skyldu snúa aftur til síns heima, voru í hópi flóttamannanna tugir þúsunda sem aldrei höfðu búið í Búrúndí og jafnvel aldrei komið þangað enda af annarri og þriðju kynslóð flóttamanna sem höfðu fæðist og alist upp í útlegðinni. Þessi ritgerð rekur sögu þessa fólks, aðdraganda flóttabylgjanna og umkomuleysið og angistina sem margir þurftu að glíma við í flóttamannabúðunum og ekki síður þegar „heim“ er komið. Gerð er grein fyrir þeim morðöldum sem ollu flóttanum, endur- og nýsköpun sameiginlegra minninga í flóttamannabúðum fjarri heimalandinu og þeim félags-, menningar- og efnahagslegu erfiðleikum sem blöstu við í gamla heimalandinu. Fjallað er um þær leiðir sem „alþjóðasamfélagið“ hefur helst beitt við lausn á vanda flóttamanna og velt upp spurningum um réttlæti og sanngirni í þeim efnum. Drjúgur hluti ritgerðarinnar er byggður á eigin reynslu höfundar af áralöngu starfi í Afríku og Asíu, meðal annars í þeim flóttamannabúðum sem hér eru í brennidepli