Flóðgáttir

Flóðgáttir fjallar um ungan strák í Eyjafirði sem er illa haldinn af kvíða og stendur frammi fyrir erfiðum ákvörðunum í alltumlykjandi pískri smábæjarsamfélagsins. Óheppilegt atvik í Verkmenntaskólanum verður til þess að söguhetjan Númi heldur út á atvinnumarkaðinn en sökum þess að litla sem enga vinnu er að hafa í kjölfar bankahrunsins verður hann að taka það fyrsta sem býðst og endar í harðneskjulegu umhverfi Sláturhúss Eyfirðinga. Ekki líður á löngu þar til efasemdirnar þefa Núma uppi og hann veltir fyrir sér hvort það hafi verið skynsamlegt að snúa baki við skólanum eftir allt saman. Í Flóðgáttum togast á smækkaðar útgáfur af smábæjarsamfélagi sem kristallast í tveimur heimum sögunnar, þ.e. í skólanum og sláturhúsinu, þar sem einkalíf hvers og eins verður að viðfangsefni annarra og lesendur fylgja Núma gegnum súrt og sætt andrúmsloft bókarinnar, sem verður allt að því martraðakennt þegar líður á lesturinn