Fjölskyldur samkynhneigðra

Verkefnið er lokaðHér á Íslandi hefur fjölskyldan tekið breytingum á undanförnum áratugum. Nýjar fjölskyldugerðir hafa mótast og innan leikskóla landsins eru börn sem koma úr ýmsum fjölskyldugerðum. Ein þessara fjölskyldna er fjölskylda samkynhneigðra, en samkynhneigðir hafa þó löngum átt undir högg að sækja sökum fordóma. Félagsvísindamenn eru þess fullvissir að fordómar séu okkur mannfólkinu ekki meðfæddir, heldur að þeir lærist af umhverfinu. Og því sem maðurinn skapar getur maðurinn líka breytt. Í heilbrigðu þjóðfélagi ætti öllum þegnum þess að geta liðið vel. Með upplýstu og meðvituðu uppeldi er börnum gert kleift að lifa lífi sínu í sátt og samlyndi við annað fólk og þannig að auka lífsgæði samfélagsins og umburðalyndi. Mikilvægt er því að leikskólar landsins taki tillit til margbreytilegra fjölskyldugerða sem börnin koma úr, viðurkenni þær svo uppeldisstaða þeirra sé metin jöfn ásamt því að börnin finni öryggi til að geta styrkt sína sjálfsmynd