IAS 16. Varanlegir rekstrarfjármunir. Afskriftaraðferðir

Viðfangsefni ritgerðarinnar er alþjóðlegi reikningsskilastaðallinn IAS 16 sem fjallar um meðferð og færslu á varanlegum rekstrarfjármunum. Fjallað verður um alþjóðlega reikningsskilastaðalinn og innleiðingu hans á Íslandi. Farið verður yfir tilgang og markmið með reikningsskilum og hverjum reiknings¬skilin gagnast. Fjallað verður um eignfærslu varanlegra rekstrarfjármuna og kostnað sem fellur til síðar ásamt meðhöndlun á endurmati rekstrarfjármuna. Einnig verður fjallað um endurmat varanlegra rekstrarfjármuna til hækkunar eða lækkunar og hvernig ber að meðhöndla þær breytingar í reikningsskilum sem verður útskýrt með dæmum. Markmiðið er að fara yfir afskriftir varanlegra rekstrarfjármuna, úthlutun á gjaldfærðum kostnaði og helstu afskriftaraðferðir í því sambandi. Afskriftar¬aðferðirnar sem hér verður lýst eru þrjár og verður hverri aðferð gerð góð skil með útskýringum og dæmum. Afskriftaraðferðirnar verða bornar saman við árlega afskrift sem er mismunandi eftir hvaða aðferð er notuð. Að lokum verður fjallað um lög um ársreikninga nr. 3/2006 og tekjuskatt nr. 90/2003, ákvæði laganna í tengslum við meðhöndlun varanlegra rekstrarfjármuna og afskriftaraðferðir þeirra