Upplifun og ævintýraferðir, sýn ferðaþjónustuaðila

Frá upphafi hafa ævintýraferðir verið hluti af því að ferðast til fjarlægðra staða og landa. Ævintýraferðamenn nútímans leita eftir áskorunum í náttúrunni en í ævintýraferðum er lögð áhersla á að ferðamaðurinn sé virkur þátttakandi í ferðalaginu. Ein af þeim kenningum sem sett hefur verið fram um upplifun ævintýraferðamannsins er sú að hann leiti eftir áhættu og þeirri ögrun sem henni fylgir. Meginmarkmið rannsóknarinnar var að skoða hvaða þátt upplifun spili í ævintýraferðum hér á landi og hvað ferðaþjónustuaðilar gera til að þekkja væntingar viðskipavina sinna. Í ævintýraferðum er náttúran í aðalhlutverki og ýta niðurstöður rannsóknarinnar undir þá kenningu því náttúruupplifunin virðist vera það sem skapar ferðina. Samkvæmt viðmælendum í rannsókninni beita öll fyrirtækin einhverri leið til að komast að væntingum viðskiptavina. Einnig kom fram mikilvægi leiðsögumannsins í upplifun ferðamannsins en hann virðist skipta höfuðmáli hvað varðar þá upplifun sem skilar sér til ævintýraferðamannsins