Einelti í grunnskólum: Aðkoma félagsráðgjafa

Meginmarkmið þessarar ritgerðar er að komast að því hvaða sess félagsráðgjafar hafa í baráttunni gegn einelti í grunnskólum. Fjallað verður um skilgreiningar og birtingarmyndir eineltis sem og helstu orsakir og afleiðingar þess. Það verður að sama skapi komið að því hvernig best er að nálgast bæði þolendur og gerendur eineltis. Út frá því verður komið að skólasamfélaginu og hvernig það kann að bregðast við eineltistilfellum og hvaða úrræði eru þar til boða. Seinni hluti ritgerðarinnar fjallar um starf félagsráðgjafa og hvernig fagþekking þeirra nýtist grunnskólum í baráttunni gegn einelti. Afleiðingar eineltis eru gríðarlegar og geta fylgt bæði þolanda og geranda þess ævilangt. Það er því mikilvægt að stöðva einelti strax í fæðingu og til þess þarf öflugt fólk sem tekur allar mögulegar kringumstæður með í reikninginn. Niðurstöður ritgerðarinnar leiða það í ljós að starfandi félagsráðgjafar í grunnskólum, sem vinna heildrænt með einstaklinginn, geta unnið kröftugt starf í baráttunni gegn einelt. Þeir geta þá ýmist komið beint að eineltismálum í grunnskólum eða í gegnum félagsþjónustu sveitarfélaga