Hönnun sem afl til breytinga á viðhorfi og hegðunarmynstrum : stýriafl mannlegrar hegðunar

Í þessari ritgerð er fjallað um hvernig hönnun getur haft jákvæðar breytingar á hegðun okkar. Tengsl hönnunar og sálfræði eru sýnd með dæmum úr fræðilegum rannsóknum jafnt sem raunverulegum dæmum úr heimi vöruþróunar. Samhliða þessum dæmum sem fjalla um samband fyrirtækja og notenda og hvaða leiðir hönnuðir og stjórnendur fyrirtækja geta farið til þess að breyta hegðun notenda sinna, er fjallað um ýmsar ástæður mótþróa notenda á sálfræðilegum grundvelli. Angar af hönnun hafa myndast síðastliðin ár í sambandi við þessa fræði, svo sem upplifunarhönnun og notendavæn hönnun. Heimildir koma jafnt frá hegðunarvísindamönnum, fræðimönnum á sviði hagfræði og viðskiptafræði og svo hönnuðum. Viðtal var einnig tekið við frumkvöðul með reynslu af vöruþróun. Sýnt er fram á að hönnun tengist eðlisávísunum okkar og að upplifun notenda við notkun á vöru sé lykilatriði fyrir velgengi á markaðnum og að bein tenging sé þar á milli. Til skilnings á þeirri tengingu er sálfræði hegðunarbreytinga skoðuð; hvaða leiðir hönnuðir hafa í átt að stjórnun á væntingum, viðbrögðum og móttökum notenda og hvernig er hægt að nýta þessa kunnáttu á jákvæðan hátt í hinu stóra samhengi