Boðmiðlun fyrirtækja í ferðaþjónustu: Áhrifaríkustu boðmiðlunarleiðirnar við markaðssetningu á ferðaþjónustu

Það er mikilvægt fyrir fyrirtæki að skapa vitund og aðgreina sig frá samkeppnisaðilum með því að nota markaðssamskipti. Með markaðssamskiptum er átt við að koma upplýsingum um fyrirtækið eða vöruna til markhópa. Þættir markaðsskilaboða eru þrír talsins: Kynningarráðar, boðmiðlun og skilaboð. Til þess að koma upplýsingunum og skilaboðunum til neytenda notast fyrirtæki við ýmiss konar boðmiðlunarleiðir, en hægt er að skipta þeim upp í hefðbundnar boðmiðlunarleiðir, svo sem sjónvarp, útvarp og tímarit og stafrænar boðmiðlunarleiðir eins og tölvupóst, netmiðla og samfélagsmiðla. Í nútímasamfélagi eru til fjölbreytt úrval af boðmiðlum og því er mikilvægt fyrir fyrirtæki að gera sér grein fyrir því hvaða boðmiðlunarleiðir komi skilaboðunum þeirra á sem árangursríkastan hátt til neytenda og mögulegra viðskiptavina. Þetta á sérstaklega við fyrirtæki í ferðaþjónustu, því erfitt getur verið fyrir neytendur að meta þjónustuna áður en hún er keypt. Þess vegna er mikilvægt að miðla upplýsingum til neytenda í gegn um boðmiðlunarleiðir. Í þessari rannsókn var skoðað hvaða boðmiðlunarleiðir eru áhrifaríkastar við markaðssetningu á ferðaþjónustu. Notast var við megindlega rannsóknaraðferð þar sem 126 einstaklingar svöruðu spurningalista sem átti að gefa góða mynd af því hvaða boðleiðir væru áhrifaríkar. Helstu niðurstöður voru þær að netmiðlar ná helst til íslenskra ferðamanna þegar kemur að því að afla upplýsinga áður en ferðaþjónusta er keypt. Þá sögðust flestir þátttakendur hafa keypt ferðaþjónustu eftir að hafa séð hana auglýsta á netmiðlum. Niðurstöður rannsóknarinnar voru nokkuð skýrar og haldast í hendur við aðrar svipaðar rannsóknir