Íslenska sem móðurmál

Í þessari ritgerð er staða íslensku tungunnar í nútímasamfélagi skoðuð. Farið er yfir ýmis svið samfélagsins eins og atvinnulífið, tölvuheiminn, menntasviðið og fleira og staða íslenskunnar skoðuð. Jafnframt er skýrt frá ferli danssköpunar þar sem leitast var við að túlka þær spurningar og áhyggjur um stöðu íslensku tungunnar í danshreyfingum. Ljóst er að staða tungumálsins mun veikjast ef ekki er viðhaldið íðorðasmíð og þýðingum á sem flestum sviðum. Það þarf stöðugt að uppfæra þær tækninýjungar sem koma fram á sjónarsviðið og er nauðsynlegt að íslenska tungumálið fylgi þeirri þróun. Þá þarf að efla móðurmálskennslu í skólum hér á landi sem og íslensku kennslu fyrir fólk af erlendu bergi brotnu. Kynslóðabil hefur aukist og því þurfa foreldrar og vandamenn þeirra að gera sér grein fyrir að málkennd barna er talsvert önnur en málkennd eldra fólks og því þarf kannski að brúa aðeins bilið. Það þarf að eyða tíma með börnunum til þess að þau fái meiri íslenskan orðaforða á móti þeim enska. Börn og fullorðnir eyða miklum og jafnvel meiri tíma í að tala, lesa og hlusta á ensku en áður og þarf að vega íslenskuna upp á móti því. Þó að verið sé að vinna í íslenskri málstefnu að þá þarf að halda því við og ekki slá slöku við í þeim efnum. Ef það gerist er hætta á að stöðugar þróanir tækni og á atvinnusviðinu taki yfir íslenskuna með sitt alþjóðlega tungumál