Heimspeki til framsækins skólastarfs

Þrátt fyrir að langt sé liðið síðan hugmyndafræði Matthew Lipman um heimspeki með börnum barst hingað til lands og náðu töluverðri útbreiðslu hefur heimspeki ekki náð að festa sér sess í skólastarfi eða aðalnámsskrá. Margt bendir til þess að greina megi annan tón og breyttar áherslur í aðalnámsskrá frá 2011. Í þessari ritgerð verður skoðað hvernig samleið heimspeki eigi með skólastarfi á Íslandi í ljósi áherslna í aðalnámsskrá. Má vera að í heimspeki felist einhver lausn eða að hún geti stuðlað að farsæld og hvatningu nemenda? Fyrst verður farið yfir eðli, inntak og markmið almenns náms eins og þau birtast í aðalnámsskrá frá 2011. Til þess að gera því góð skil verða sex grunnþættir almennrar menntunar skýrðir út en í þeim felst ný hugsun og ný nálgun á skólastarf og menntun. Næst verður reynt að gera grein fyrir því hvað felst í heimspeki og heimspekilegri aðferð. Farið verður yfir hvað sé gagnrýnin hugsun, hvað felist í heimspekilegri samræðu og hvort orðalag aðalnámsskrár styðji við að þessir þættir eigi samleið eða erindi við nemendur og skólastarfið í heild. Að síðustu verður skyggnst í hugmyndir um farsæld og sjálfræði nemenda í því skyni að kanna hvort heimspekilegir kennsluhættir gætu haft áhrif á farsæld og áhugahvöt nemenda. Þegar þessir þættir hafa verið skoðaðir ætti það að draga upp nokkuð skýrar línur af því hvaða erindi heimspeki og heimspekilegrar aðferðar eiga við nemendur og skólastarf á Íslandi