Sköpum úr ullinni : verkefnahefti í textílmennt

Verkefnið samanstendur af greinargerð og verkefnahefti fyrir miðstigið í námsgreininni textílmennt. Í verkefnaheftinu eru átta verkefni byggð upp á blaut- og þurrþæfingu. Hugað er að getustigi nemenda, byrjað er á einföldu verkefni og erfiðleikastig aukið jafnt og þétt. Lögð er áhersla á einfaldar og skýrar leiðbeiningar þannig að allir geti leyst verkefnin án þess að þekkja til þæfingar. Í greinargerðinni er farið yfir sögu ullar og þæfingar. Því næst er fjallað um nokkra fræðimenn og kenningar þeirra sem eiga það sameiginlegt að hvetja til fjölbreyttra kennsluhátta, sem henta vel í verklegri kennslu. Tekið er saman hvernig þessar kenningar mynda í sameiningu kennslufræðilegan grunn verkefnaheftisins. Þá er fjallað um þátt textílmenntar í Aðalnámskrá grunnskóla. Að lokum er fjallað um verkefnasafnið, uppbyggingu þess og innihald verkefna útskýrt. Í vinnu við hvort tveggja var leitast við að svara rannsóknarspurningunni: Hvernig er best að setja upp einfalt og skýrt verkefnasafn í þæfingu fyrir nemendur á miðstigi