Tónlækkun og tónlotur í íslensku: Rannsókn á tónfalli upplesins texta

Í þessari ritgerð eru tónfallsrannsóknir Nicole Dehé og Kristjáns Árnasonar á íslensku reifaðar og bornar saman. Seinni hluti ritgerðarinnar er rannsókn þar sem að tónfall í upptökum af upplesnum texta eru greindar nokkuð náið, og niðurstöðurnar bornar saman við þær sem Kristján og Dehé hafa komist að. Athugaðir voru nokkur atriði sem henta í rannsóknir sem þessa, þar sem upplesinn texti er notaður til tónfallsrannsókna. Í fyrsta lagi var tónlækkun í íslensku athuguð. Í ljós kom að þótt tónlækkun sé vissulega mjög algeng, er hún síður en svo skyldubundin í upplestri. Í öðru lagi var dreifing markatóna athuguð. Í ljós kom þar að lesendur textans voru nokkuð samhljóða hvað varðar bæði dreifingu þeirra og tegund. Í þriðja lagi var dreifing áherslutvítóna skoðuð lauslega í samhengi fleirkvæðra og samsettra orða, sérstaklega í tilfelli eignarfallssamsetninga, sem virðast gjarnan haga sér eins og aðskyld orð hvað varðar áherslur