Ástkona, móðir, dóttir, gyðja: Saga konunnar í myndbirtingu Sigurjóns Ólafssonar

Þessi ritgerð er unnin til BA – prófs í listfræði við Háskóla Íslands. Hún fjallar um birtingamynd konunnar í list Sigurjóns Ólafssonar, en jafnframt því er reynt að sýna fram á þá virðingu sem listamaðurinn bar til kvenna. Stuðst verður við þær standmyndir sem voru á sýningunni Gyðjur sem sett var upp í Listasafni Sigurjóns Ólafssonar haustið 2015 og stóð fram á vordaga 2016. Verkin sem um er að ræða eru unnin á árunum 1934 – 1982 og sýna ólík tímabil í lífi listamannsins þar sem hann notar mismunandi efnivið og beitir ólíkum vinnuaðferðum. Komið er inn á ríkjandi strauma og stefnur sem óneitanlega höfðu áhrif á uppbyggingu listaverkanna ásamt ýmsum umhverfisþáttum úr hinu daglega lífi. Störf hinna vinnandi stétta voru Sigurjóni alltaf hugleikin og endurspeglast sá áhugi víða í verkum hans, bæði ljóst og leynt. Útfærsla hans á gyðjunni er mótuð í þeim ólíku formum sem hún birtist okkur í daglegu lífi og verður það fyrst og fremst skoðað í gegnum túlkun, hugsun og myndbirtingu listamannsins