Hversu sanngjarn starfsvettvangur er Íslenska óperan fyrir íslenska söngvara?

Íslenska Óperan var stofnsett 3. október 1980 en róður hennar hefur ætíð verið þungur enda að mörgu að hyggja margar hendur koma að hverri óperuuppfærslu. Val á söngvurum hefur alltaf verið umdeilt sem og störf hinna þriggja óperustjóra. Áherslan í þessari ritgerð er að skoða hvernig staðið hefur verið að vali söngvara í hlutverk hjá Íslensku óperunni. Allar leikskrár voru lesnar og nöfn allra þeirra sem voru í kór og sungu aðalhlutverk í hverri óperu, þá var skoðað hverjir voru í stjórn óperunnar. Einnig var listað upp hvaða óperur eru settar upp og eftir hverja. Myndrænum töflum sem sýna dreifingu milli radda verður varpað fram sem og hlutdeild hvers og eins í sögu óperunnar. Einnig verður athugað hvort einhver sjáanleg tengsl séu á vali óperunnar á hinum ýmsu söngvurum. Skoðað verður hvaða einsöngvarar taka þátt í sýningum á vegum óperunnar frá stofnun og rýnt í hver söng hvaða hlutverk og af hverju sumir syngja oftar en aðrir. Rætt verður um hvort hægt sé að endurskapa óperuna í annarri mynd en hún er í dag og hvaða kostir eru í stöðunni í þeim efnum. Viðtal var tekið við Kristján Jóhannsson óperusöngvara, bakland hans, menntun og tengin hans við upphaflegu stjórn óperunnar