Land price and land rent

Fasteignamarkaðurinn á Íslandi hefur tekið við sér á síðustu árum. Fyrirsagnirnir í fjölmiðlum snúast mestmegnis um fasteignaverðið í heild sinni en lítið er fjallað um hinn undirliggjandi þátt, landverð. Viðfangsefni þessa lokaverkefnis er land í hagfræðilegu samhengi. Fyrst er gerð grein fyrir landrentu. Þá verður fjallað um ýmsar kenningar um verðmyndun lands. Þær benda til þess að áhrifaþættirnir séu nokkrir, til að mynda þéttleiki byggðar og samgöngukostnaður. Næst eru kenningar um landrentu og verðmyndun lands tengdar saman við hugmynd Bandaríkjamannsins Henry George um landskatt. Landskattur virðist ákjósanlegur á yfirborðinu en þegar nánar er skoðað reynist hann hafa ýmsa galla. Undir lok ritgerðarinnar er smíðað einfalt líkan um verðmyndun lands á höfuðborgarsvæðinu. Vandinn við slíka tilraun er sá að erfitt er að finna nákvæm gögn fyrir landverð og líkanið líður fyrir það. Margt er ókannað í verðmyndun lands á Íslandi og varpar ritgerðin ljósi á hvers konar rannsóknir gætu komið að gagni