Upplifun og reynsla stjúpmæðra af hlutverki sínu. Eigindleg rannsókn

Þessi BA ritgerð í uppeldis- og menntunarfræði fjallar um upplifun og reynslu stjúpmæðra af hlutverki sínu. Ritgerðin sem byggir á niðurstöðum eigindlegrar viðtalsrannsóknar segir frá fimm konum sem allar hafa reynslu af stjúpmóðurhlutverkinu og hafa þær verið stjúpur í mislangan tíma. Niðurstöður rannsóknarinnar benda til þess að hluti af þeim erfiðleikum sem konurnar gengu í gegnum í hlutverki sínu sem stjúpur stöfuðu meðal annars af því að óraunhæfar væntingar þeirra í upphafi og kröfur umhverfisins stönguðust á. Stjúpunum leið oft eins og verið væri að ráðskast með þær og neikvæðar tilfinningar gerðu stundum vart við sig og ullu konunum samviskubiti. Þeir þættir sem virtust skipta mestu máli til að stjúpunum gengi vel var að hafa þekkingu á sérstöðu stjúpfjölskyldunnar, eiga gott samband við maka, gefa sér tíma til að kynnast stjúpbörnunum, hafa ákveðna fjarlægð gagnvart þeim og vera viðbót í lífi þeirra en ekki móðir