Gildi leiks fyrir yngstu börnin í leikskólanum

Þessi greinagerð sem einnig mun fylgja vefsíða er liður í lokaverkefni til B.E.d gráðu í leikskólafræðum við Menntavísindasvið í Háskóla Íslands. Viðfangsefni verkefnisins er leikur yngstu barnanna í leikskólanum eða barna á aldrinum eins til þriggja ára. Markmiðið er að sýna fram á gildi leiks fyrir yngstu börnin í leikskólanum, þannig að verkefnið nýtist sem fróðleikur og gefi kennurum hugmyndir í starfi með þessum aldurshóp. Vefsíðan http// sites.google.com/site/gildileiks mun innihalda ýmsa fræðilega þætti úr greinargerðinni ásamt því að vera hugmyndabanki um leiki, leikaðferðir og efnivið sem örva hreyfingu og skynfæri barnanna en ung börn læra í gegnum leik með því að nota líkama sinn og skynfæri. Í greinargerðinni verður farið í fræðilega umfjöllun um leik barna þar sem stuðst er við kenningar fræðimanna. Fjallað verður um nokkra þroskaþætti sem eflast hjá börnum á þessum aldri í leik. Leikurinn er sérstaklega skoðaður bæði sem námsleið, þroskaleið, lífstjáning og gleðigjafi barnsins. Komið er inn á hvernig leikstíll og samskipti barna er á þessum aldri ásamt hvert hlutverk kennarans er. Umfjöllun verður um skynfærin þar sem börn á þessum aldri nota skynfæri sín og líkama til að uppgötva heiminn. Í framhaldi af því eru ýmiss leikjaform skoðuð ásamt könnunarleiknum sem er aðferð þar sem öll skilningarvit eru örvuð ásamt fín-, grófhreyfingum og þykjustu/hlutverkaleik