Ótemja

Verkið segir frá ungri íslenskri konu sem býr í Bandaríkjunum með eiginmanni sínum og syni þar sem hún stundar nám. Hún er undir gríðarlegri pressu í náminu og á í erfiðleikum í hjónabandinu. Hún veikist og tekur inn ótæpilegt magn af kveflyfjum sem gera hana vankaða í höfðinu. Allt í einu hættir hún að geta sofið og fer að hugsa rosalega hratt. Hún ákveður að taka sér frí og fara heim til Íslands en móðir hennar fyllist áhyggjum af henni og vill fara með hana í viðtal á geðdeild Landspítalans þegar hún kemur heim. Eftir tvö viðtöl á Landspítalanum er konunni boðin innlögn sem hún þiggur. Seinna vill hún skipta um skoðun en kemst þá að því að það er ekki í boði. Hún hefur verið svipt sjálfræði. Sagan segir frá veru konunnar á geðdeildinni og hvernig hún upplifir aðra starfsmenn og sjúklinga. Ásamt verkinu fylgir greinargerð um innblástur, vinnuferlið og tilfinningarnar sem ritgerðarskrifin vöktu hjá höfundi