Ævintýranámskeið : handbók og greinargerð

Þessi handbók er skrifuð sem lokaverkefni til B.S. prófs við Háskóla Íslands í íþróttafræðum. Lokaverkefnið samanstendur af handbók og greinagerð þar sem sett er fram uppsetning leikjanámskeiðs frá upphafi til enda. Hugmyndin að gerð handbókarinnar var sú að útbúa aðgengilegt uppflettirit með öllum helstu upplýsingum fyrir leiðbeinendur til að halda það sem við höfum kosið að nefna Ævintýranámskeið. Handbókin á að auðvelda leiðbeinendum að setja saman áhugavert námskeið fyrir krakka á aldrinum 10 - 13 ára. Þessi hópur er orðinn of gamall til að taka þátt í hinum hefðbundnu leikjanámskeiðum en ekki nógu gamall til að vinna allt sumarið, því vantar þennan aldurshóp eitthvað til þess að hafa fyrir stafni yfir sumartímann. Markmið með þessu verkefni var að búa til ítarlegt uppflettirit með helstu upplýsingum fyrir leiðbeinendur til þess að auðvelda þeim að halda Ævintýranámskeiðið. Þetta uppflettirit samanstendur af öllu því helsta sem til þarf, allt frá skipulagi til ítarefnis um kennsluefni. Handbók þessi á að auðvelda vinnu leiðbeinendanna og hjálpa þeim að setja saman ítarlegt námskeið með fræðslu fyrir þennan aldurshóp. Lykilorð: Heimsálfur, útivist, þjóðsögur, galdrar, leiklist, tónlist, kennsluefni, kennsluefni