Upp að hvaða marki fylgja járnnaglar á Íslandi tímatalsfræðilegri formgerðarflokkun? Rannsókn á járnnöglum frá Skútustöðum í Mývatnssveit

Ritgerð þessi fjallar um járnnagla í fornleifafræði. Sagt er frá framleiðslutækni, notkun eftir gerð og greint frá rannsóknum sem gerðar hafa verið á járnnöglum, m.a. í Bretlandi og í Bandaríkjunum, sem ná yfir sama tímabil og járnnaglar sem rannsakaðir og greindir voru frá Skútustöðum í Mývatnssveit. Niðurstöður þeirrar rannsóknar gefa til kynna að mögulegt sé að setja fram formgerðarfræðilega flokkun á járnnöglum út frá tímatalsfræði, en frekari rannsókna er þörf á þessu sviði til að hægt sé að slá því föstu. Járnnaglar sem fundist hafa að Stóru-Borg undir Eyjafjöllum og í Vatnsfirði við Ísafjarðardjúp gætu svarað því, en þá væri komin ágætis heildarmynd af járnnöglum á Íslandi frá upphafi landnáms til 20. aldar, þar sem Skútustaðir, Stóra-Borg og Vatnsfjörður endurspegla mismunandi landsvæði en ná yfir sama tímabil frá fyrstu tíð Íslandsbyggðar til dagsins í dag