Heimaþjálfun

Verkefni þetta er hagnýtt og var tilgangur þess að kanna hvort markhópur sé fyrir fyrirtækinu Heimaþjálfun á Íslandi. Tilgangur verkefnisins var einnig að kanna hvort möguleiki væri á samstarfi Heimaþjálfunar og annarra stofnana eða verkefna. Heimaþjálfun er sérhæfð þjálfun þar sem íþróttafræðingur kemur með allan þann búnað heim til fólks eða á þann stað sem fólk kýs að stunda hreyfingu á. Þjálfunin fer fram í því umhverfi sem hentar hverjum og einum og er þessi tegund þjálfunar því góður kostur fyrir þá sem af einhverjum ástæðum treysta sér ekki til að stunda þjálfun innan um aðra eða þurfa sérhæfða þjálfun vegna lífsstílstengdra sjúkdóma. Markmið Heimaþjálfunar er ávallt að gera einstaklinga sjálfstæða í hreyfingu og gera hreyfingu að lífsstíl. Til þess að kanna hvort markhópur sé fyrir Heimaþjálfun á Íslandi og hvort grundvöllur sé fyrir samstarfi voru tekin viðtöl við helstu sérfræðinga sem hafa reynslu á að vinna með markhóp Heimaþjálfunar. Viðtölin leiddu ljós að sérfræðingar telja að markhópur sé fyrir Heimaþjálfun á Íslandi og einnig að Heimaþjálfun sé góð viðbót við þá þjónustu sem þegar er í boði á Íslandi og telja því líkur á samstarfi. Í kjölfarið var fyrirkomulag Heimaþjálfunar útbúið. Lykilorð; lífsstílssjúkdómar, Heimaþjálfun, sérhæfð þjálfun, lífsstílsbreyting, ráðleggingar