Börn sem beita kynferðislegu ofbeldi. Afleiðingar, einkenni og úrræði

Fjallað er um hinar helstu skilgreiningar á hvað telst til kynferðislegs ofbeldis. Farið er yfir einkenni og afleiðingar sem kynferðislegt ofbeldi hefur í för með sér fyrir þolendur, ásamt því hver tíðnin er meðal ungra gerenda kynferðisbrota 17 ára og yngri. Margar kenningar hafa reynt að útskýra fyrirbærið kynferðislegt ofbeldi og fjallað verður um fjölskyldukenninguna og félagsnámskenninguna og viðfangsefnið tengt við þær. Ennfremur verður fjallað um hvað einkennir unga gerendur og hvernig barnaverndarnefnd kemur að málum ungra gerenda og þolenda. Meðferðarúrræði eru nauðsynleg til þess að sporna við kynferðislegu ofbeldi og verður fjallað um helstu þætti meðferðarúrræða hér á landi og sem og erlendis. Félagsráðgjafar spila stórt hlutverk í vinnslu barnaverndarmála og verður fjallað um starf þeirra og aðkomu í kynferðisbrotamálum gagnvart börnum