Rétturinn til lífs og dauða. Greining á réttmæti líknardráps

Ritgerðin fjallar um siðferðilegan rétt einstaklinga til að deyja með tilliti til líknardráps. Skoðaðar eru hugmyndir þriggja heimspekinga með ólíka sýn á það hvort hægt sé að tala um rétt til að deyja og hvað felist í þeim rétti. Í fyrsta hluta er rétturinn til að deyja settur í samhengi við mannréttindi almennt og réttinn til lífs nánar tiltekið og reynt að svara því hvers eðlis slíkur réttur er. Í öðrum hluta er fjallað um hvaða skilyrði þurfa að vera til staðar til að fólk öðlist þann rétt, hvaða skyldur það hefur í för með sér fyrir aðila að líknardrápi og kannað hvaða samleið slíkur réttur á með hugmyndum um sjálfræði einstaklingsins. Í þriðja hluta eru rædd möguleg áhrif þess að viðurkenna á almennan hátt rétt til að deyja, t.a.m. með lagasetningu. Í lokin er rétturinn til að deyja skoðaður í samhengi við orðræðu um sjálfræði og frelsi einstaklingsins, sem og tengsl siðferðilegs réttar til líknardráps við kröfu um að leiða líknardráp í lög. Færð eru fyrir því rök að slík aðgerð geti ekki einskorðast við hugmyndir um einstaklingsfrelsi