Textílmennt fyrir alla : fjölbreytt val nemenda með áherslu á fjölgreindakenningu Howard Gardners

Með þessari ritgerð var leitast við að komast að því hvert viðhorf nemenda í 8. bekk til textílmenntar væri með því að leggja könnun fyrir fimm bekki í þremur grunnskólum. Í könnuninni voru nemendur beðnir að svara hvað þeim fannst um textílmennt, gefa viðfangsefnum greinarinnar einkunn á bilinu 1-10, svara hvort þeir gætu hugsað sér að velja textílmennt sem valfag á unglingastigi og þá hvort saumaval eða prjónaval yrði fyrir valinu. Þá voru nemendur beðnir að svara hvernig þeir skynjuðu erfiðleikastig og fjölbreytni verkefna sem þeir höfðu tekist á við í textílmennt í 1. – 7. bekk. Að lokum voru nemendur spurðir hvort þeir töldu að þeir myndu nýta þá kunnáttu sem þeir höfðu öðlast í daglegu lífi eða frekari námi. Niðurstöður voru metnar og munurinn á milli kynja og verkefna skoðaður. Niðurstöðurnar voru bornar saman við fjölgreinda- og kennslukenningar Howard Gardners. Með það að markmiði að skoða möguleikann á því að gera nemendum kleift að ráða meira verkefnavali miðað við hæfileika og áhugasvið. Niðurstöðurnar benda til að nemendur nái ekki að njóta textílmenntar til fulls sökum þess að val skortir og þeir séu að vinna verkefni sem ná ekki til þeirra