Fjölmiðlar og ríkisstjórnir Íslands. Umfjöllun fjölmiðla um stjórnmál frá 2003 til 2013

Markmið þessarar ritgerðar er, annars vegar, að athuga hvort að munur sé á umfjöllun Morgunblaðsins og Fréttablaðsins um stjórnmál og, hins vegar, að bera saman fjölmiðlaumfjöllun yfir tímabil og athuga hvort að það sé fjallað á mismunandi hátt um ríkisstjórnir Íslands út frá upphafi eða lok kjörtímabila. Notast verður við kenningar um dagskrárvald fjölmiðla, þrískiptingu valdsins og fjölmiðlamótun til þess að undirstrika þau völd sem að fjölmiðlar hafa í samfélaginu. Í ritgerðinni er framkvæmd rannsókn og farið yfir eldri rannsóknir sem að styðja við áðurnefndar kenningar og þeim síðan beitt í þeirri rannsókn sem framkvæmd er í þessari ritgerð. Helstu niðurstöður rannsóknarinnar sýna að það er munur á því hvernig fjölmiðlar fjalla um ríkisstjórnir Íslands í upphafi eða lok kjörtímabils. Einnig er greinanlegur munur á Fréttablaðinu og Morgunblaðinu í tengslum við stjórnmálaumfjöllun. Helsti munurinn er sá að Morgunblaðið fjallar meira um Samfylkinguna, samanborið við Fréttablaðið og Fréttablaðið fjallar meira um Sjálfstæðisflokkinn, samanborið við Morgunblaðið