Samanburður íbúðalána. Greiðsluflæði skoðað með tilliti til núvirðingar

Skortur á upplýsingum um íbúðalán leiddi til þess að höfundur lagði upp með það að markmiði að skoða íbúðalánamarkaðinn og skýra helstu þætti hans. Í framhaldi var stefnan tekin á að finna hagstæðasta lánið á markaðnum með tilliti til núvirðingar. Í ritgerðinni er farið stuttlega yfir hagsögu Íslands og þá sérstaklega yfir þá þætti sem hafa áhrif á endurgreiðslu lána svo sem vexti, verðbólgu, peningastefnu og vísitölu neysluverðs. Sögulegar upplýsingar eru svo notaðar til að útbúa spálíkan fyrir framvindu verðbólgu og stýrivaxta næstu 40 árin. Greiðsluflæði allra lána er reiknað með tilliti til skilmála þeirra og áður nefnds spálíkans. Krónan er í eðli sínu óstöðugur mælikvarði á verðlag og ætla má að hver króna haldi ekki verðmæti sínu næstu 40 árin. Til þess að reyna að leiðrétta fyrir virðisbreytingu krónunnar er greiðsluflæði lánanna núvirt til að meta endurgreiðslu þeirra að raunvirði dagsins í dag. Í fyrstu virtist það nokkuð ljóst að heildargreiðsla af óverðtryggðum lánum væri mun lægri en á sambærilegum verðtryggðum lánum. Munurinn stafaði af stórum hluta af því að heildargreiðslur óverðtryggðu lánanna eru hærri í byrjun. Við núvirðingu lækkaði munurinn mikið en enn voru óverðtryggðu lánin hagstæðari. Þá kom upp sú hugmynd að athuga hvaða áhrif það hefði að beita greiðsluflæði óverðtryggðs láns á kjör verðtryggðs láns. Niðurstaðan kom vægast sagt á óvart