Þróun í skólamálum fatlaðra barna á Íslandi

Verkefni þetta er heimildaritgerð og markmið með henni er að varpa ljósi á þá þróun sem hefur orðið í skólamálum fyrir fötluð börn hér á landi og þá hugmyndafræði sem liggur að baki. Í því samhengi eru skoðuð mismunandi sjónarhorn á fötlun og hugmyndafræðin um eðlilegt líf og samfélagsþátttöku. Fjallað er um lög og reglurgerðir frá árunum 1930 og til dagsins í dag sem tengjast þessu málefni. Saga skólakerfisins er rakin frá því að skólaskylda var sett, og fram til dagsins í dag, þar sem skóli án aðgreingar er stefnan. Helstu niðurstöður ritgerðarinnar eru að ríkjandi hugmyndafræði hvers tíma hafði mikil áhrif á líf fatlaðra barna og átti þátt í að skapa viðhorf til fatlaðs fólks. Með lagasetningu, skólaskyldu og öðrum réttindum hefur mikið breyst frá stofnanavæðingu fram til dagsins í dag, sem er stefna um skóla án aðgreiningar. Þrátt fyrir að mikið hafi áunnist hefur svipuð hugmyndafræði verið í ríkjandi í skólamálum fatlaðra barna síðustu ár. Lög og reglurgerðir stangast á svo illa gengur að innleiða hugmyndafræðina um skóla án aðgreiningar í alla grunnskóla landsins. Það er einnig spurning um hvort þurfi að aðlaga nám kennara betur að hugmyndafræði um skóla án aðgreiningar