Mansal og Vændi; Birtingarmyndir á Íslandi

Mansal er hluti af ólöglegri glæpastarfsemi, það getur farið fram bæði yfir landamæri og innanlands, mansal getur talist til nútímaþrælahalds. Hlutverk fórnarlamba er mismunandi eftir tilgangi geranda. Mörg fórnarlömb eru látin vinna í kynlífsiðnaði og er vændi þá oft birtingarmyndin. Gerandi getur hagnast mikið á mansali og áhættan er frekar lítil fyrir hann. Á síðari árum hefur umfjöllun og þekking á mansali aukist að einhverju leyti og vitundarvakning orðið varðandi umfang þess og alvarleika bæði í alþjóðarsamfélaginu og á Íslandi. Ísland er aðili að alþjóðasamningum sem berjast gegn mansali og ólöglegri alþjóðlegri glæpastarfsemi og hefur samhliða því bætt lög og reglur sem snúa að mansali. Mansal hefur enn lítið verið rannsakað hér á landi og lítið af upplýsingum eru til varðandi umfang þess, en þó eru einhverjar breytingar að verða hvað það varðar. Félagsráðgjafar eru vel í stakk búnir til þess að vinna með fórnarlömbum mansals, markmið með vinnu þeirra er að hjálpa fólki og koma í veg fyrir mannréttindabrot. Teymisvinna virðist vera sú leið sem best getur komið að gagni í vinnu með fórnarlömbum mansals, þar sem sérfræðingar af ýmsum sviðum koma saman til þess að vinna með fórnarlambinu. Félagsráðgjafar eru þjálfaðir í teymisvinnu og þess vegna ætti fagþekking þeirra að nýtast vel í vinnu innan málaflokksins